Humanitar yaşama icazəsi kimlərə verilir?
Humanitar yaşama icazəsi (insani ikamet izni) digər yaşama icazəsi növlərinin şərtləri tələb olunmadan, aşağıdakı hallarda Miqrasiya İdarəsi Başkanlığının (Göç İdaresi Başkanlığı) təsdiqi ilə valiliklər tərəfindən verilir:
- Uşağın ali mənafeyinin nəzərə alınmalı olduğu hallar,
- Deportasiya (sınır dışı) və ya giriş qadağası qərarı olmasına baxmayaraq, əcnəbinin ölkədən çıxışının mümkün olmaması və ya məqsədəuyğun hesab edilməməsi,
- Ölüm cəzası, işgəncə riski, ağır xəstəlik, yaşlılıq, hamiləlik, ölkəsində ala bilməyəcəyi həyati vacib müalicə, insan alveri və ya zorakılıq qurbanı olmaq kimi səbəblərlə deportasiya qərarının verilə bilməməsi,
- Deportasiya və ya beynəlxalq müdafiə qərarlarından məhkəməyə müraciət edilmiş olması,
- İlk sığınacaq ölkəsinə və ya təhlükəsiz üçüncü ölkəyə göndərilmə prosesi,
- Təcili hallar, milli maraqlar, ictimai asayiş və fövqəladə vəziyyətlər.
Bilməli olduğunuz məqamlar
- İcazə ən çox 2 illik müddətlərlə verilir və şərtlər davam edərsə, uzadıla bilər.
- İcazə alındıqdan sonra 20 iş günü ərzində ünvan qeydiyyatı aparılmalıdır.
- Humanitar yaşama icazəsi işləmək hüququ vermir; işləmək üçün ayrıca iş icazəsi tələb olunur.
- Bu icazə ilə keçən müddətlər uzunmüddətli yaşama icazəsi üçün hesablanmır.
- Ödənilməmiş viza/yaşama icazəsi pozuntusu rüsumu humanitar yaşama icazəsinin verilməsinə mane deyil.
Humanitar yaşama icazəsi tamamilə səlahiyyətli orqanın mülahizəsindən asılıdır; "ala bilərsiniz" deyilə biləcək dəqiq şərtlər siyahısı yoxdur. İşin sənədlərlə güclü şəkildə hazırlanması nəticəyə birbaşa təsir edir.
Hüquqi əsas: 6458 sayılı YUKK md. 42/2, 46, 47, 55; Uygulama Yönetmeliği md. 44.
